Karmelo Ayesta-ren “ GOZA DAITEKE GEHIAGO Euskaldun baten hizkuntza-bidaia” liburua heldu zait eskuetara eta irakurtzen hasi bakarrik ez, irakurtzen hasi eta bukatu arte esku-begietan izan dut eta bihotzeraino heldu zait bertoko mezua eta idazteko modua. Liburu hau, arnasa berria da gaurko euskaldunentzat. Karmelok euskal munduko gauza garrantzitsuak modu errazean eta euskara bizian idazten ditu, gozotasunez beterik etorkizunari begira. Euskarak egiten gaitu euskaldun eta hizkuntza da bizitzaren ispilu. Euskarari zor diogun maitasunezko joera gozoa adierazten digu Karmelok liburu honetan. Mezu esanguratsua hor dago, orain eguneratu eta bizitzaratu egin behar dugu mezu hori etorkizuneko euskararen aberasbidean. Zorionak eta eskerrik asko Karmelo euskarari bizipoza emotearren. “ Hasiak egina dirudi eta eginak urregorria” eta gerora “ denborak agertuko digu elurra mendian”. Hala biz.

Juan Manuel Etxebarria Ayesta

Euskal Filologian doktorea

Deustuko Unibertsitateko irakaslea

Euskaltzaindiakoa

Etnografian Etniker taldekidea

Idazlea